2017 թվականի ընթացքում  իրականացվել  է 3 ծրագրային աշխատանք, որից 1 ծրագիրը իրականացվել է <<Քարտեզագրության, գեոդեզիայի, հողաշինարարության և անշարժ գույքի գնահատման կենտրոն>> ՊՈԱԿ-ի կողմից, իսկ 2 –ը՝ վարչության կողմից: ՊՈԱԿ-ի կողմից կատարված աշխատանքները. Համայնքների կադաստրային քարտեզների և հողային հաշվետվությունների կազմման, պետական և համայնքային սեփականություն հանդիսացող անշարժ գույքի չափագրման, ոռոգվող հողերի գույքագրման և անշարժ գույքի շուկայի վերլուծության… կարդալ ավելին

Հարգելի ստեփանակերտցիներ ԼՂՀ կառավարության աշխատակազմի անշարժ գույքի կադաստրի վարչությունը հայտնում է, որ Ստեփանակերտ քաղաքում 2016 թվականի փետրվարի 1-ից սկսվել են կադաստրային քարտեզագրման աշխատանքները: Հաշվի առնելով վերը նշված աշխատանքների կարևորությունը՝ ակնկալում ենք ձեր աջակցությունը կադաստրային քարտեզագրման աշխատանքների իրականացման համար, խնդրում ենք չխոչընդոտել և հնարավորինս օժանդակել չափագրողների կողմից գույքի /հողամաս և շենք, շինություններ/ չափագրման աշխատանքներին:

2017-2019 թվականների Լեռնային Ղարաբաղի Հանրապետության գույքահարկի բազայի ստեղծման նպատակով սույն թվականի փետրվարի 1-ից Լեռնային Ղարաբաղի Հանրապետության կառավարության աշխատակազմի անշարժ գույքի կադաստրի վարչության կողմից պայմանագրային աշխատողների ներգրավմամբ իրականացվում են Լեռնային Ղարաբաղի Հանրապետության տարածքում շենք, շինությունների կադաստրային  վերագնահատման աշխատանքներ: Վերագնահատման աշխատանքները նախատեսվում են ավարտել մինչև 2016 թվականի օգոստոսի 1-ը:

Shahramanyan                                                                                                                                   Հարգելի այցելու

         Ողջունում  ենք  Ձեզ  Արցախի  Հանրապետության  կադաստրի  և  պետական  գույքի  կառավարման  կոմիտեի կայք  էջում։

         Այստեղ Դուք կարող  եք  ծանոթանալ  կադաստրի  համակարգի  գործառույթներին  իրականացվող ծրագրերին, ստանալ  համապատասխան  տեղեկատվություն  անշարժ  գույքի  շուկայի, հանրապետության հողային  հաշվեկշռի և  անշարժ գույքի նկատմամբ  իրավունքների  պետական  գրանցման  ընթացակարգերի վերաբերյալ։

    Կայքում  տեղադրված է  քաղաքացիների  համար  տարբեր  բնույթի  օգտակար  տեղեկատվություն,  և լուսաբանված է  համակարգի  գործունեությունը:

     Էլեկտրոնային  ընդունարանի  միջոցով  կարող  եք  հերթագրվել  ընդունելության,  իսկ  «Գրանցումներ» բաժնում  կարող  եք  ծանոթանալ  պետական  գրանցումների  համար  անհրաժեշտ  փաստաթղթերի  ցանկին, ծառայությունների  վճարներին  և  ժամկետներին:

    Վստահ ենք,  որ  կադաստրի  համակարգի  հանդեպ  հասարակության  իրազեկվածության  մակարդակը  բարձրացնելուն  ուղղված  մեր քայլերը  դրական  արդյունքներ  կտան  ակտիվ  համագործակցության  և  Ձեր  կողմից  հնչեցվող  մեկնաբանությունների  ու  կարծիքների  պարագայում։

  Շնորհակալություն համագործակցության համար:

  Կոմիտեի  նախագահ՝   Կարեն  Շահրամանյան